سلام معطر بعبير الجوري
لأحلى عيون بالمنتدى
وهذي لكم ::
إن جـيت .. جـيت همــوم ليل وتبـاريح
وإن رحت رحت دموع ياصعب رجعتـك
ســريتني مــســرا قلوب المجـاريـح
تحـرث ثرى قلـبي مخـالـيب فجعتك
وكـفـّن شـفـاك الملـح وجروحك تصيح
ماقـول في ملـح البـحر غيـر دمعتك
وهذي دمـــوعك في ثـرى قلبي تطـيـح
وأخـاف تاصل دمـعـتك راس شمعتك
لا يا بعـد من جــرجــروه الممـــاليح
مـا هيب هذي يا حـبـيـبـي قناعتك
أدري وتدري والســـوالف مــشــافيح
ان شـافـتك ظميتك وان رحت جاعتك
مـــا قلت لك لا تشـتـكي النار للـريـح
مــا قلت لك لا يــدري أحد بلوعتك
البـارحـه ســولف بك الغـيم للشــيخ
وطارت لك أسراب القـصايد وسمعتك
ولـلـه درك قلـب لـومت تجـــريـح
طوعت مــا طاوعت وأمليت طاعـتك
ان جـاء لمجنون الدقايق ســوامــيح
هذا انا أغلى الدقـايق بســاعـــتك
وتقـول في وافي قــصــايـدك ترويح
ودافي قـصـيدي من بعض جمر لوعتك
*************************************
ترى غيابك خدر القلب تخديــر
ومنّك عيوني قد تزايد سهرهــا
عطني على ما قلت للوضع تبرير
عطني فداك الروح و أيضا نظرها
عن غيبتك عطني مع العلم تفسير
زايد شكوكي فيك حالي دمرهــا
احذر تسمّع يا عنا القلب للغيــر
بالك هل النمات تمشي بثرهـــا
ترى حبيبك ما حصل منه تقصير
مير الظروف القاسيات تخبرهـا
بعطيك عن حالي مع الوصف تقرير
اعرف عليك الحال زايد قهرهـا
عذبتني يا صاح بكثر المشـاوير
يا نور عينى كان يضعف بصرها
ترى غيابك خدر القلب تخديـر
وغصون حبك لا تقطع ثمرهـا
**********************************
لاتـخلـيـنـي مـكـان الانــتـظـار
لا يموت الحب في مـهـده صـغـيـر
ليـه نتــرك حبنا للاحـتـضار
الهــوى اللي وردته أجــمل عـبـير
الهــوى يرجــوك لا تأخذ قــرار
تذبل الـورده على جــال الغــديــر
في ظلام اليــاس حــبك لي نهــار
يا شــروق الشـمـس في ليل النظيـر
جـنـتـي وصـلك وهــجــرك لي نار
في رجــا وصـلك ترى عـمري ضـرير
إني انسـى حـبكم مــا لي خـيـار
جـرحي اللي بالـحـشـا جـرحِ خطيـر
انتظر ردك ولوجـا باختصار
وكـان ردك قــاسيِ فـكـر كــثـيـر
بين دمــعي وابتـسـامــاتي جدار
ان هدمـتـه يكتب الـلـه مـا يـصيـر
******************************
يا حبيبي فيك ظني ما يخيب
لو حصل من بيننا صد وجفا
شمس حبك في عيوني ما تغيب
وفي حنانك يا بعد عمري وفاء
فيك معنى الحب يا روحي يطيب
صـادق شوقك وشوقي صفــا
لو تروح بعيد من قلبي قريب
في غرامك هام قلبي واكتفـاء
في غيابك مشتعل مثل اللهيب
ومن عرفتك شوق قلبي ما طفاء
صدق إني وافي يا أغلى حبيب
صـادق ما فيه مثلي بالوفــاء
********************************
يتك معاي الحين ياغلى من حياتي""""ليتك تجي وتصير للقلب مرشـــــــــــود
هذي بيوت الشعر ترسم تحياتـــــي""""وتكتب اكبر مشاعر ماله حـــــــــــدود
وينك ياحسن واغلى من حياتــــــي""""وينك ياحلم عمري وكل الوجــــــــــود
انت عطر قلبي ياعمري وردتـــــي""""انت منى عمري وفيك كل الــــــــودود
لاتروح يامن موقف علي نبضتــــي""""لاتروح وتكسر خاطري وتنسى الوعود
ياخوفي من الدنيا لاتلعب بافكرتي""""وقلب فكرتي ويصير مالك وجـــــــــود
تعال ارجوك ولاتفرق دنيتــــــــــي""""ترا بلياك انا مثل عالم ماله وجــــــود
*********************************
حياتي لكم قبل ... تحياتي ..
الأحد أغسطس 03, 2008 1:12 pm